സോളാര്‍പ്ലാന്റുകള്‍
കെ.എസ്.ഇ.ബി
ലൈനുമായി
ബന്ധിപ്പിച്ച്
ഉപയോഗിക്കുന്നതിനായി
ഉപഭോക്താക്കള്‍ അറിഞ്ഞിരിക്കേണ്ട
കാര്യങ്ങള്‍.
-
കെ.എസ്.ഇ.ബിയുടെ വൈദ്യുത വിതരണ ശൃഖലയുമായി ബന്ധിപ്പിച്ച് പ്രവര്‍ത്തിപ്പിക്കാവുന്ന സൗരവൈദ്യുത ഉല്‍പ്പാദന സംവിധാനങ്ങള്‍ക്ക് 2014 ജൂണ്‍ 10ന് KSERC പുറപ്പെടുവിച്ച് ചട്ടങ്ങള്‍ പ്രകാരം എല്ലാ ഉപഭോക്താക്കള്‍ക്കും ഇപ്പോള്‍ കെ.എസ്.ഇ.ബി അനുമതി നല്‍കുന്നുണ്ട്.
-
ഒരു കിലോ വാട്ടുമുതല്‍ ഒരു മെഗാവാട്ടുവരെയുള്ള സോളാര്‍ പ്ലാന്റുകള്‍ക്ക് നിലവില്‍ സര്‍വ്വീസ് കണക്ഷന്‍ സ്ഥിതിചെയ്യുന്ന സ്ഥലത്ത് സപ്ളൈ വോള്‍ട്ടേജ് അനുസരിച്ച് ഇത്തരത്തില്‍ അനുമതി ലഭിക്കുന്നതാണ്.ചാര്‍ട്ട് താഴെ കൊടുത്തിരിക്കുന്നു.വോള്ട്ടേജ്ശേഷി(കിലേവാട്ട്)സിംഗിള്‍ ഫേസ് 240 വോള്ട്ട്ഒരു കിലോവാട്ട്മുതല്‍ അഞ്ച് കിലോവാട്ട് വരെത്രീ ഫേസ് 415വോള്‍ട്ട്100കിലോവാട്ട് വരെഹൈടെന്ഷന് 11കിലോവോള്‍ട്ട്1000 കിലോവാട്ട് വരെ
-
സോളാര്‍ പ്ലാന്റിനോടൊപ്പം KSEB ലൈനിലേക്ക് കടത്തിവിടുന്ന വൈദ്യുതിയും(കയറ്റുമതി) ലൈനില്‍ നിന്ന് എടുത്ത് ഉപയോഗിക്കുന്ന വൈദ്യുതിയും(ഇറക്കുമതി) പ്രത്യേകമായി രേഖപ്പെടുത്താന്‍ കഴിവുള്ള നെറ്റ് മീറ്ററും, സോളാര്‍പ്ലാന്റ് ഉല്‍പാദിപ്പിക്കുന്ന വൈദ്യുതി അളക്കുന്നതിനായി സോളാര്‍ മീറ്ററും ഉപഭോക്താവ് സ്വന്തമായി വാങ്ങിവെയ്കുകയോ ,അല്ലെങ്കില്‍ KSEB വെയ്കുുന്നതിന് അപേക്ഷിക്കുകയോ ചെയ്യേണ്ടതാണ്. KSEB വെയ്കുന്ന മീറ്ററുകള്‍ക്ക് പ്രതിമാസ വാടക ബാധകമായിരിക്കും.
-
നെറ്റ് മീറ്റര്‍ റീഡിംഗ് പ്രകാരം കയറ്റുമതി-ഇറക്കുമതി മിച്ച വൈദ്യുതിക്ക് നിലവിലുള്ള അതെ താരിഫില്‍ ബില്ലു നല്‍കും. കയറ്റുമതി വൈദ്യുതി കൂടിനിന്നാല്‍ ഉപഭോക്താവ് പണം അടയ്കേണ്ടതില്ല. കൂടാതെ മിച്ചവൈദ്യുതി അടുത്തമാസം ഉപയോഗിക്കാവുന്നതുമാണ്.
-
ഒക്ടോബര്‍ 1 മുതല്‍ സപ്റ്റംബര്‍ 30 വരെയുള്ള കാലയളവില്‍(Settlement Period) കയറ്റുമതി മിച്ചം കൂടിനില്‍ക്കുകയാണെങ്കില്‍ അത്രയും വൈദ്യുതി KSEB വാങ്ങിയതായി കണക്കാക്കി വില നല്‍കുന്നതാണ്.
-
ഒരു ഉപഭോക്താവിന് ഒരു കണ്‍സ്യമര്‍ പരിസരത്ത് ഒരു സോളാര്‍ പ്ലാന്റ് മാത്രമേ സ്ഥാപിക്കാന്‍ കഴിയൂ.എന്നാല്‍ ഈ സ്ഥലത്ത് ഉല്‍പ്പാദിപ്പിച്ച വൈദ്യുതി ഉപഭോക്താവിന് തന്റെ തന്നെ മറ്റിടങ്ങളില്‍ വ്യവസ്ഥകള്‍ക്ക് വിധേയമായി ഉപയോഗിക്കാന്‍ കഴിയും.
വ്യവസ്ഥകള്‍.(1) ഉപയോഗിക്കുന്ന കണ്‍സ്യുമര്‍ നമ്പര്‍ എഗ്രിമെന്റ് സ്വന്തം പേരിലായിരിക്കണം.(2) കയറ്റുമതി മിച്ചവൈദ്യുതി പ്രതിമാസം 500യൂണിറ്റിന് മുകളിലായിരിക്കണം.(3)ഉപയോഗിക്കുന്ന സ്ഥലങ്ങളുടെ മുന്‍ഗണനാക്രമം മുന്‍കൂട്ടി അപേക്ഷയില്‍
അറിയിക്കണം.(4)കയറ്റുമതി മിച്ചത്തിന്റെ 5% വിതരണനഷ്ടമായും മറ്റുചിലവുകള്‍ക്കായും കുറവുചെയ്യും.
-
CEA-യുടെ Technical standerds of connectivity for distributed generation resources-2013 പ്രകാരം സോളാര്‍ പ്ലാന്റുകളുടെ രൂപകല്‍പന,നിര്‍മ്മാണം,പ്രവര്‍ത്തനം എന്നിവ ഉപഭോക്താവിന്റെ പൂര്‍ണ്ണമായ ഉത്തരവാദിത്തമായിരിക്കും.സോളാര്‍ പ്ലാന്റ് പരിശോധിക്കാന്‍ KSEB -യെ അടിയന്തിരഘട്ടങ്ങളില്‍ അനുവദിക്കേണ്ടതാണ്.
-
സോളാര്‍ പ്ലാന്റ് സ്ഥാപിക്കുന്നതിനായുള്ള നിര്‍ദ്ദിഷ്ട അപേക്ഷ(annexure-1) പൂരിപ്പിച്ച് അതാത് സെക്ഷനോഫിസില്‍,1000 രൂപ അപേക്ഷ ഫീസടച്ച് സമര്‍പ്പിക്കേണ്ടതാണ്.
-
തുടര്‍ന്ന് 15 ദിവസത്തിനുള്ളില്‍ KSEB പരിശോധനനടത്തി പ്ലാന്റു സ്ഥാപിക്കാന്‍ കഴിയുമോ എന്ന് സാധ്യതാ സര്‍ട്ടിഫിക്കറ്റ്(Feasibility certificate) നല്‍കും. പ്രസ്തുതതീയ്യതിമുതല്‍ 30 ദിവസത്തിനകം അനുബന്ധം-2-ലെ അപേക്ഷയില്‍ സോളാര്‍പ്ലാന്റ് സെക്ഷനോഫീസില്‍ രജിസ്റ്റര്‍ ചെയ്യണം. രജിസ്ട്രേഷന്‍ കലാവധി ആറുമാസമാണ്. ഉചിതമായ കാരണങ്ങളില്‍ രജിസ്ട്രേഷന്‍ കാലാവധി ദീര്‍ഘിപ്പിച്ച് നല്‍കാവുന്നതാണ്. ആറുമാസത്തിനുളളില്‍ അംഗീകൃത വയര്‍മാന്‍/സൂപ്പര്‍വൈസര്‍/കോണ്‍ട്രാക്റ്റര്‍ മുഖേന സോളാര്‍ പ്ലാന്റ് സ്ഥാപിച്ചില്ലെങ്കില്‍ രജിസ്ട്രേഷന്‍ ഫീസ് നഷ്ടപ്പെടുന്നതാണ്. ഒരുകിലേവാട്ടിന് 1000രൂപയാണ് ഫീസ്. മതിയായ കാരണങ്ങളാല്‍ പ്ലാന്റ് സ്ഥാപിക്കാന്‍ കഴിയാതെ വന്നാല്‍ അപേക്ഷ പിന്‍വലിക്കാന്‍ അനുവദിക്കുന്നതും 80% രജിസ്ട്രേഷന്‍ ഫീസ് മടക്കി നല്‍കുന്നതുമാണ്.
-
ഇലക്ട്രിക്കല്‍ ഇന്‍സ്പെക്ടറേറ്റില്‍ നിന്നുള്ള അനുമതിയോടെ അനുബന്ധം-3 പ്രകാരമുള്ള അപേക്ഷയില്‍ സോളാര്‍ പ്ലാന്റ് KSEB -ടെസ്റ്റു ചെയ്യുന്നതാണ്. ടെസ്റ്റ് പാസായാല്‍ 15 ദിവസത്തിനുള്ളില്‍ നെറ്റ് മീറ്റര്‍ എഗ്രിമെന്റ് (അനുബന്ധം-10) ഒപ്പുവെയ്ക്കണം. തുടര്‍ന്ന് 7 ദിവസത്തിനുള്ളില്‍ മീറ്ററുകള്‍ ഘടിപ്പിച്ച് പ്ലാന്റ് KSEB ലൈനുമായി കണക്റ്റുചെയ്യ്ത് ഉപയോഗിക്കാം.
